Gqabi elintsakantsaka,
Lintlakantlaka lithwaxwe zimbalela,
Labuna, labola, lavuthuka.
Uqwalasele kugqutha,
Ufifi lombono lwavela,
Luveza intlantsi yenkwenkwezi,
Ikhanya phezulu phaya,
Umilise izitho emgangathweni,
Welula umqondo, kwahlaziyeka imbilini.
Nkazana entushuntushu, nkazana emfutshane
Siqishimbana sentyatyambo, ndisinekile nje ndiyakubulisa.
Nango amehlo am enyibilika,
Nantsi intliziyo yam intlimpinika
Noko, akophi gazi, luvuyo nje, nokundweba kwengqondo.
Chula ukunyathela ke, simomondiya
Musa ukunyathelwa ke, zizihikahika
Ndikujongile, ndikuhoyile, ndikubukele
Ndikubambile, jonga isandla sam, sikukhongozele
Ndikuqwalasele, ndikuncumele njena, yiyo lento ndikonwabele
yho utsho kwavokoteka vha? love this poem!!!!!!!!
ReplyDeleteEnkosi Abosh... It's dedicated to all the women who feel they are not beatiful and are insecure about their bodies.
ReplyDelete